SAAN A PANAGKINNAAWATAN MAIPANGGEP TI TALENT FEE ITI PANAGKANTA ITI NATAYAN MAYSA TI NATAGTAGBAT

SAAN A PANAGKINNAAWATAN MAIPANGGEP TI TALENT FEE ITI PANAGKANTA ITI NATAYAN MAYSA TI NATAGTAGBAT.

TAGUDIN, ILOCOS SUR - Saan a panagkinnaawatan gapu ti talent fee iti panagkanta iti natayan ti rason nu apay a nagriri dagiti dua a construction worker a sadinu maysa kadagitoy ti natagtagbat.

Napasamak daytoy nga insidente agarup 3:55 itay malem kangrunaan idiay Riverside Brgy. Lantag, Tagudin, Ilocos Sur.

Nabigbig ti biktima nga ni Eldrin Berania Elumin, agtawen 28, awanan asawa, agnaed diay Brgy. Pudoc East, Tagudin, Ilocos Sur ken ti suspek nabigbig nga ni Robin Natividad Lizardo, agtawen 31, awanan asawa, maysa a tanod ken taga Brgy. Pudoc East, Tagudin, Ilocos Sur.

Nakaawat ti damag ti Tagudin PS manipud Ilocos Sur District Hospital, Tagudin, gapu ti kaadda ti naitaray sadiay a biktima ti pannagbat. Dagos a nagresponde dagiti personnel ti Tagudin PS ket babaen ti panagsaludsod da kenni Randulph Barnachea Natividad a katarabakoan dagiti dua nga kabayatan ti kaadda da iti construction area (dike) diay Brgy. Lantag, Tagudin, Ilocos Sur, nagiinom dagitoy ti arak ket idi nalpas da a nangan ti pangaldaw nagsinnungbat ti suspek ken ti biktima maipanggep ti talent fee/service fee ti biktima a daytoy ti naupaan nga agkanta ita koma a rabii iti maysa a natayan iti Brgy. da. Gapu iti dayta inasot ti suspek ti buneng na sana tinagtagbat ti biktima a nakasugatan ti ulo, bukot ken teltel na.

Kalpasan ti insidente dagus a naglibas ti suspek ngem babaen ti Hot pursuit dagiti Pulis natiliw ti suspek idiay Brgy. Pudoc East, Tagudin, Ilocos Sur. Ken intaray damet ti biktima iti ospital ngem nakaruar kalpasan a naagasan ta saan unay nauuneg dagiti sugatna. Gapu ti saan a panagkinnawatan a pinakaro ti pannakabarbartek ti motibo ti insidente. Narecobre met dagiti Pulis ti agatiddog ti 20 pulgada a nausar a buneng. Manarimaan paylaeng ti imbestigasyon ti Tagudin PS seknan ti insidente.