MAYSA NGA NEGOSYANTE TI QUIRINO, ILOCOS SUR BIKTIMA TI BUDOL-BUDOL
Nakakaskas-ang iti napasamak iti maysa a kailiantayo a ni Mr. Ramon Reyes, maysa nga agtagilako, naasawan, residente iti Brgy. Poblacion, Quirino, Ilocos Sur itattay laeng aldaw kalpasan a naloko daytoy iti budol-budol a nagpanggap nga aglaklako kadagiti frozen goods.
Admin
Basar iti salaysay ni Reyes via QRT Balita Online Zakura Station, nakalugan dagitoy a budol budol iti GL a van. Inofferanda kano ni Mr. Reyes kadagiti lakoda a frozen goods ket naay-ayo met daytoyen a gumatang. Daksangggasat ta naitedna a dagus mettenen ti buo a bayad dagitoy a frozen goods a di pay la naibabbaba dagiti dadduma. Apaman a naawat iti kwartana, sigida a pinmuslit dagiti mandurugas ket inkoordinarna metten iti opisina iti pulisya ken Quirino Response Team (QRT) ngem saandan a naabutan dagiti suspek.
Palpalagipan met iti pulisya iti amin nga umili ta saanda a nalaka koma a malokloko no adda dagitoy saan nga am-ammo a ruprupa nga aglako-lako iti kumpormi. Malagip nga idi napalpalabas a bulbulan, adda iti naireport kadagiti agduduma nga istasyon iti probinsia a mudos a maawagan "SABON MODUS" no sadinno a sabon met iti i-of-offerda a gatangen. Isu a palagip kakailian, saan a kumpormi iti pakaluklukwan, agridam ken ireport iti kaasitgan nga istasyon iti pulisya no adda mapasamak nga insidente a kastoy.
Source: QRT Balita Online Via Zakura Station Via DAMDAMAG QUIRINO - ANGAKI TATTA
