GAPU TI MAPAPATI A RIRI TI DAGA MAYSA A SENIOR CITIZEN TI NATAGTAGBAT
STA LUCIA, ILOCOS SUR- Iti baet a nagsagaba ti sugsugat ti ulo ken nagduduma a paset ti bagi daytoy a senior citizen nakabaelanna paylaeng ti timmakder iti pannakapaidda na. Daytoy ket tinagtagbat ti ti kalugaranna gapu ti mapapati a riri da ti daga.
Admin
0
36
Napasamak daytoy nga insidente agarup 1:00 itay malem idiay Sta Lucia Public Market, Sta Lucia, Ilocos Sur. Ti biktima nabigbig nga ni Mariano Habon Toquero, agtawen 82, naasawaan, mannalon a daytoy ti tinagtagbat ti suspek nga ni Antonio Gadingan Ramos, agtawen 58, naasawaan, mannalon agpada nga agnaed idiay Brgy. Alincaoeg, Sta Lucia, Ilocos Sur.
Basar ti palawag ti biktima napan daytoy idiay Sta Lucia Public Market a nagpapukis. Kalpasan dayta napan iti gasolinaan tapno gumatang sa kalpasanna napan nagpasimpa ti relo na. Iti dayta metla a kanito itay agawid koman nakita na ti suspek iti dalanna ket iti awan a rason sinabat isuna ti suspek sana tinagbat ti namin-anu a daras. Dagus met a nakemmeg ti suspek ken naitaray idiay Ilocos Sur District Hospital, Sta Lucia ti biktima ken itay maipamedico legal ti suspek naduktalan nga nagpositibo iti alcoholic Breath Test. Ti motibo ti insidente ket maipanggep ti dati a susik dagitoy maipanggep iti daga.
Ti suspek nga ni ANTONIO RAMOS ket addan iti ikot ti Sta Lucia MPS pakairamanan ti buneng a nausar nga agatiddog ti 20 pulgada. Ken naamwan nga agpapaimbag paylaeng ti biktima a lakay iti ospital kabayatan iti nainget paylaeng nga imbestigasion ti Sta Lucia MPS.
<img height="16" width="16" alt="
